Saio bakoitzeko bidalketa bat

Ez dirudi horrelakorik gertatuko denik; baina osasun-larrialdiagatik etxeratzeko agindurik jasoko bagenu, ona litzateke guztiontzat laborategian egindakoren lana gordeta edukitzea. Horregatik, jarraian deskribatzen den ohitura hau hartuko du ikasleak.

Laborategiko lan-saioaren bukaera aldera, ikasle bakoitzak, bakarka, bere programak bidaliko ditu eGela plataformaren bitartez. Norberaren lan partikularrak ikasleak nola entregatuko dituen ondoko irudietan azaltzen da:

Saio bakoitzean irudiko zeregin bat agertuko da laborategian egidakoa bidaltzeko

Bidalketaren aukera klaseko orduarekin batera bukatuko da

Kritikoa ez den arren, fitxategiak izendatzerakoan logika bati lotzea komeniagarria izan daiteke

Lan-saio bakoitzeko bidalketak ikasleak burutu duen jardueraren egiaztagiriak direnez, behar izanez gero (adibidez, konfinamendu zorrotz bat gertatuko balitz) bildalketa horiek ikaslearen kalifikaziorako erabili ahal izango dira. Bestela, eskola presentzialen egoera normal batean, irakasgaiaren ebaluazioa egiteko ikaskuntza-gidan jasota dagoena aplikatuko da (ikus, Irakasgaiaren ebaluazioa artikulua).


 

Zereginak nola entregatu eGela bitartez

Etxerako lan bat bidaltzen denean, horren berri eGela plataforman jasoko du ikasleak.




eGela plataformaren bitartez programa bat bidaliko denean Zeregina delako kontzeptuaren bitartez egingo da, horrek ahalbidetzen dio ikasleari erantzutea enuntziatuari eGela barrutik. Ikusi ondoko irudia:

 

Konpiladorearen ingurunea

Konpiladorea instalatzean eta new source file bitartez programa berri irekitzean ondoko kode hau eskainiko digu:

UNIT NireUnitatea;
INTERFACE

IMPLEMENTATION
BEGIN

END. { UNITATEAREN BUKAERA }

Aurreko kode horrek balio du unitate bat programatzeko, baina guk ez ditugu unitateak garatuko programak baizik. Horregatik, kode hori aldatzea komeni zaigu. Hau da, konpiladorearen ingurunea gure behar izanetara egokitzea komeni zaigu.

Konpiladorearen ingurunea zure beharretara antola dezakezu. Hona hemen zure etxeko ordenagailuan zer idatz dezakezun eta non idatzi behar duzun:

options > environment options > misc.

{-----------------------------------------------------------
   Ikaslea:
   Taldea: 31
   Azpitaldea: S3-GO3
   Ariketa (fitxategiaren izena: XXXXX.PAS):
   Deskribapen laburra:
   Saioaren data:
-----------------------------------------------------------}
PROGRAM ProgramarenIzena;

{-----------------------------------------------------------
   Aurrerago ikasiko ditugun azpiprogramak hemen idatzi
   behar dira, adibidez honelako zerbait:
   
   FUNCTION TangenteaKalkulatu(rAngelu: Real): Real;
   BEGIN

   END;
-----------------------------------------------------------}

BEGIN  

   WriteLn;
   WriteLn('=======================');
   WriteLn('RETURN sakatu amaitzeko');
   WriteLn('=======================');
   ReadLn;
END. { PROGRAMAREN BUKAERA }

 

Editatu > Konpilatu > Exekutatu

Konpiladore baten lana itzultzailearena da, hots, guk idatzitako programa (goimailako lengoaian idatzitakoa) makinak ezagutzen duen lengoaiara (behemailako legoaiara) itzultzea. Urratsak hiru dira eta bakoitzeko irudi bat erakusten da:

1  programa idazteko editorea abian jarri eta .pas luzapena duen fitxategia lortu

2  programa konpilatu eta .exe luzapena duen fitxategia lortu

3  .exe luzapena duen fitxategia exekutatu

---

Adibidez: sinuaren kurba marraztu
Beraz, ariketa bati aurre egiteko lehenik zer eskatzen diguten ariketaren enuntziatua ulertu behar dugu (0 urratsa izango litzateke). Ondoren programazio-lana letorke (gorago aipatu ditugun 1 eta 2 urratsak) eta bukaeran lortutako programa exekutatzea (gorago aipatu den 3 urratsa). Grafikoki honelaxe adieraz daiteke:

31. taldea: 2013-14, 2014-15, 2015-16, 2016-17, 2017-18, 2018-19, 2019-20, 2020-21 eta 2021-22ko emaitzak

2013-14 ikasturtearen eta 2021-22 ikasturtearen artean, Informatika irakasgaian 31. taldeko emaitza orokorrak (maiatzako notak eta uztaileko notak kontutan harturik) ondoko hauek dira:

31. taldearen urtez urteko errendimendu-tasa (aprobatuak/matrikulatuak) maiatzeko eta uztaileko deialdien ondoren

Goiko irudian eskaintzen den zortzi ikasturteko informazioa osatzeko, jarraian datuen batezbestekoa eta desbideratze estandarra kalkulatuko ditugu.

---

Batezkestekoak: 

AprobatuenBatezbestekoa = %50,8                   SuspendituenBatezbestekoa = %49,2

---

Desbideratze estandarrak: 

AprobDesbideratzeEstand. = %10,2                   SuspenDesbideratzeEstand. = %10,2

---

 

Datuak garbitu Firefox arakatzailean

Zure konputagailua ez den batean lanean ari bazara, adibidez laborategian, komeni zaizu ezabatzea arakatzailean (nabigatzailean) geratu diren zure datu pribatuak. Horretarako, eta Firefox erabiltzen ari bazara, tekla konbinazio hau sakatu:




Honako hau agertuko zaizu:




Ikusi bestelako tekla konbinazioak https://support.mozilla.org/en-US/kb/keyboard-shortcuts-perform-firefox-tasks-quickly Firefox arakatzailearekin lan egiteko lagungarriak izan daitezkeenak.

 

Leiho pribatua Firefox arakatzailean

Zure konputagailua ez den batean lanean ari bazara, adibidez laborategian, modu pribatuan nabigatzea komeniko zaizu gehienetan. Jakin ezazu nabigatze pribatua ahalmena eskaintzen digula Firefox arakatzaileak. Horretarako, joan Firefox nabigatzailearen menura eta bertan Leiho pribatua izeneko ikonoak sakatu:

 

Mac sistemak: Pascal konpilatzen Geany ingurunea erabiliz

Jakina denez Dev-Pascal konpiladoreak Windows sistemara eragileko ordenadoretarako balio du. Mac ordenadoreen sistema eragilea OS-X da eta ezin daiteke Dev-Pascal konpiladorea erabili. Horregatik, Mac ordenadoreen erabiltzaileei Geany ingurunea gomendatzen zaie.



Instalazioak hiru urrats ditu:

1. xcode instalatu.


2. fpc (free pascal compiler) konpiladorea instalatu.


3. Geany ingurunea instalatu.

1.

---

Lehenengo xcode instalatu behar da fpc konpiladorea eta OS-X sistema konpatibleak izan daitezan. Horretarako, terminala ireki (Aplicaciones > Utilidades > Terminal), eta honako hiru urrats hauek jarraitu behar dira:

1-A    xcode-select --install komandoa exekutatu.

1-B    “Install” aukeratu.

1-C    Instalazioa amaitzean terminala itxi.

2.

---

Behin xcode instalatuta dagoela, fpc (free pascal compiler) konpiladorea instalatu ahalko da. Horretarako dagokion fitxategia deskargatu eta instalatzeari ekin

• https://sourceforge.net/projects/freepascal/
  

3.

---

fpc instalatuta dago, eta beraz gure ordenagailua gai da Pascal konpilatzeko, baina IDE (ingurune grafiko) bat behar dugu programak editatu eta terminala erabili gabe konpilatu ahal izateko. Geany erabiliko dugu, baina mota horretako beste edozein ingurune erabil daiteke ere (adibidez

Lightweight edo Gladiator). Hona hemen Geany ingurunea deskargatzeko webgunea:

• https://www.geany.org/Download/Releases

Mac sistemak: Windows birtualizatu Dev-Pascal erabiltzeko

Jakina denez Dev-Pascal konpiladoreak Windows sistemara eragileko ordenadoretarako balio du. Mac ordenadoreen sistema eragilea OS-X da eta ezin daiteke Dev-Pascal konpiladorea erabili. Horregatik, gomendatzen da Windows sistemaren birtualizazio bat egitea Mac ordenadorean.

Windows sistema birtualizatzeko bi elementu behar dira. Batetik, birtualizazio softwarea (VirtualBox adibidez). Eta bestetik, interesatzen zaigun sistema eragilea duen makina birtual bat, Windows sistema eragilea gure kasuan.



Gure Mac ordenadorea birtualizatzeko urratsak:

1.

VirtualBox orrira joan eta birtualizazio plataforma jeitsi, honi makina birtualaren player programa esaten zaio:

Makina birtualaren player programa Mac ordenadorean instalatu.

2.

Sistemen Ingeniaritza eta Automatika Sailaren orri Unibertsitateko EHUbox zerbitzura joan eta irisbide honi esker DISAXPVM - VirtualBox.zip makina birtuala jeitsi, zip fitxategi trinko hori nahiko handia da (1,1 Gb).

Jeitsitako DISAXPVM - VirtualBox.zip fitxategia destrinkotu eta DISAXPVM_Dev-Pas.vbox izeneko fitxategia exekutatu. Ondoko irudian erakusten den leiho bat irekiko da eta makina birtuala piztea besterik ez da faltako:

3.

Azken urratsa makina birtuala konfiguratzea da. Helburua ondoko irudian erakusten dugu, bertan makina birtuala abian ari da eta bi sistemak (Windows eta Mac) ikusten dira:

Pascal programak Windows sisteman garatu eta exekutatuko ditugu, baina gure programen fitxategiak Mac sisteman gordetzea nahi baldin badugu karpeta bat konfiguratuko dugu elkarbanatua izan dadin Mac eta Windows sistemetan. Honelaxe egiten da, bi bide daude.

Bat, aurreko irudian ikusten den karpeta itxurako ikonoan sakatu eta Shared Folders Settings... izeneko estekan klikatu. Bi, makina birtualen kudeatzailera joan eta Ezarpenak (1) ikonoan sakatu ondoren Elkarbanatutako Agiritegiak (2) ikonoan klikatu, jarraian erakusten den irudian bezala:

Bi bidetatik edozein aukeraturik ondoko leihoa irekiko zaigu, eta bertan gure Mac sisteman daukagun karpeta bat aukeratuko dugu, adibidean .../Desktop/VirtualBoxKarpeta izeneko karpeta hautatu izan da eta gero Windows sisteman karpeta horri dagokion Z sare-konexio berri bat sortu beharko dugu. Irudi honetan .../Desktop/VirtualBoxKarpeta izeneko karpeta nola hautatzen den ikusten da:

Windows sisteman sare-konexioa sortzen. Menua erabiliz Mi PC > Herramientas > Conectar a unidad de red ... aukera hautatu eta irekiko den lehio berrian aurreko .../Desktop/VirtualBoxKarpeta izeneko karpeta elkartu. Hona hemen irudi bi:

 

 

Emaitza ondoko irudian erakusten da, non karpeta biak parez-pare jarri diren: Windows sistemaren Z sare-konexioa ezkerrean eta Mac sistemaren VirtualBoxKarpeta eskuinean. Edukiontzi biren informazioa bera da:

Ordutegia

Ikasturteko egutegi akademikoa hau izanik, hona hemen gure ordutegia:

31. TALDEA (3. azpitaldea)	Tutoretzak	Laborategia (3. azpitaldea)	Mintegia (3. azpitaldea)
Ordutegia	astelehena   asteartea    asteazkena   10:00-12:00        10:00-13:00           11:00-12:00	astelehena 12:00-14:00	astelehena 12:00-14:00
Tokia	nire bulegoa P3B66	P0B17I	P0B17I
Asteak Eskolen arabera	1, 2, 3, 4, 5, 6, 7, 8, 9, 10, 11, 12, 13, 14, 15	2, 3, 5, 7, 8, 9, 11, 12, 14	1, 4, 6, 10, 13, 15
	15 aste	9 aste	6 aste

Laborategiaren eta mintegiaren ebaluaketarako hiru kontrol egingo dira (bat proiektuari lotutakoa). Hiru kontrolak konputagailuaren aurrean burutuko dira, hona hemen kontrolen datak:

1. Lehen kontrola 5. astean (2023/02/20) izango da.


2. Bigarren kontrola 10. astean (2023/03/27) izango da.


3. Hirugarren kontrola 15. astean (2023/05/08) bakarkako ariketa proiektuari buruz.

 

Egutegia

 

Ikasle-zerrenda

   24 ikasle guztira
   -----------------
 1 Aguinagalde del Barrio, Unai
 2 Aldasoro Urdangarin, Nahia
 3 Alegre Bezares, Beñat
 4 Arana San Anton, Jon
 5 Barco Martín, Gontzal
 6 Carro Valladares, Ibon
 7 Fernández Ortega, Iñigo
 8 Garcia Baz, Leire
 9 Garcia Ibarra, Nagore
10 Gonzalez de Audikana Garai, Aritz
11 Iparragirre Martinez, Garazi
12 Lizarralde Mota, Maddi Zuberoa
13 Munguia Ibañez, Jon
14 Orive Porro, Urko
15 Postigo Colas, June
16 Reguilón Zabala, Gari
17 Rodriguez Calzada, Uxue
18 Saénz de Buruaga Echevarria, María
19 Sancho Alcibar-Arechuluaga, Ainara
20 Seijo Gabicagogeascoa, Haizea
21 Talles Nanclares, Naia
22 Uribesalgo Irureta, Iker
23 Uriondo Zabala, Unai
24 Zubeldia Poza, Xabier